آه بحبك

زائر

بحبك..
آه بحبك..
من زمان وانا نفسى فيها..
بسهر واذوق ف الحروف..
من زمان وبعيش عليها.. بس دوبنى الكسوف..
نفسى اهرب من سكوتى..من دموعى ..نفسى اشوف..
نفسى اقولهالك بصوتى..مش بهمس ومش بخوف..
وأقوى.. واتحدى الظروف..
لو يكون وياك ألوف..
برضه اقولهالك..بحبك..

هيه دى.. الكلمه اللى منى..
تاعبه قلبى.. وغصب عنى..
نفسها تحضنها بشفايفك..
يبقى قلبى منها شايفك..
جنب منى لإنه عارفك..
كل وصفك.. حته منى..

هيه دى الكلمه اللى بتريّح فؤادى..
حتى وانت مش قصادى..
منها..بتهنى بحياتى..
منها بسمع صوت آهاتى..
ونفسى احسك تبقى راضى..
كل عمرى يبقى راضى..

آه بحبك..
أجمل الانغام ف ودنى..
احلى طيف بيمس حضنى..
كلمه للسحر بتاخدنى..
تبقى انت حبيبى وابنى..
وكل غالى ونور عينيه..

آه ياقلبى من حنان كلمة [ندعوك للتسجيل في المنتدى أو التعريف بنفسك لمعاينة هذا الرابط]
من حلاوة طعم حبك
من جمال العشق جنبك..
اه ياقلبى..آه بحبك..

وانا لمّا بقولهالك بفرح
تسمعها ماتسمعهاش بفرح
بتخلى مسام جلدى يفتح..
والحزن مايبقاش له مطرح..
بفرح.. علشان قلبى يحبك بفرح..

آه بحبك..
أقوى م الحب اللى فيها..
وأغلى م الدنيا ومافيها..
كلمه بس.. حموت عليها..
بحبك..آه بحبك..

والغرام..مش ضرورى يكون وصال..
فيه هوى بيكون محال..
واحنا كل الحب بينّا..
احلى من كل الخيال..
وبحبك اقوى من كل احتمال..
آه بحبك

موضوع: رد: آه بحبك السبت يونيو 18, 2011 11:25 pm

موضوع: رد: آه بحبك الأربعاء يونيو 22, 2011 12:07 pm